Արագածոտնի մարզպետի աշխատակազմ

Մարզի ղեկավարությունը տեսադաշտում է պահում վերակառուցման ծրագրերի ընթացքը, դրանց անձամբ ծանոթանում և հետևում է մարզպետ Սերգեյ Մովսիսյանը։

Այսօր մարզպետը խորհրդական Ռազմիկ Թադևոսյանի հետ այցելել է Ծաղկահովիտ համայնք, եղել պետական միջոցներով վերակառուցվող առողջության կենտրոնի շինհրապարակում և ծանոթացել իրականացվող աշխատանքներին։ Համայնքապետ Նորաին Հակոբյանի և առողջության կենտրոնի տնօրեն Արմեն Հակոբյանի հետ քննարկման ընթացքում մարզպետն ընդգծել է՝ պետք է ամենայն պատասխանատվությամբ շինարարությունը սահմանված ժամկետում ավարտին հասցնել, հնարավորինս շուտ սկսել համայնքում բարձրորակ բուժսպասարկում իրականացնել։

Հաջորդիվ Սերգեյ Մովսիսյանը Ծաղկահովիտի համայնքապետարանում հադիպել է ավագանու անդամների հետ, լսել նրանց հարցերը, ծանոթացել համայնքային խնդիրներին ու քննարկել դրանք։

Մարզպետի՝ համայնքներ այցելությունները շարունակական են։