Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Թալինի ԲԿ-ի վերակառուցման համար պետությունը հատկացնում է 1 մլրդ 300 մլն դրամ․մարզպետը տեղում ծանոթացել է շինաշխատանքներին
04.08.2022
Արագածոտնի մարզում առողջապահական ոլորտում ևս պետական միջոցներով ծավալուն ներդրումներ են կատարվում։ Մարզի տարբեր համայքների բժշկական կենտրոններում այս օրերին ակտիվ շինարարական աշխատանքներ են ընթանում։
Արագածոտնի մարզպետ Սերգեյ Մովսիսյանը, Թալին համայնքի ղեկավարի ժամանակավոր պաշտոնակատար Տավրոս Սափեյանի, մարզպետի խորհրդականներ Արմեն Գրիգորյանի և Ռազմիկ Թադևոսյանի հետ երեկ եղել է Թալինում և հետևել տեղի ԲԿ-ի վերակառուցման աշխատանքներին։
Մարզպետը շրջել է բժշկական հաստատության մասնաշենքերով, զրուցել շինարարների հետ, հորդորել հետևողական լինել աշխատանքի որակի հարցում։ Սերգեյ Մովսիսյանը առանձին հանդիպում է ունեցել ԲԿ-ի ղեկավար Ազատ Ղուկասյանի և բուժանձնակազմի հետ, լսել նրանց հարցերն ու պատասխանել դրանց։
Հավելենք, որ Թալին ԲԿ-ի վերակառուցման համար պետությունը հատկացրել է 1 մլրդ 300 մլն դրամ, աշխատանքների ավարտը նախատեսվում է 2023 թ․ նոյեմբերին։
