Արագածոտնի մարզպետի աշխատակազմ

Ներկա էին մարզխորհրդի անդամները՝ փոխմարզպետներ Հարություն Գուլյանը, Էդգար Փարվանյանը, համայնքերի ղեկավարները, ինչպես նաև մարզպետի խորհրդականներն ու օգնականները, մարզպետարանի ստորաբաժանումների ղեկավարներ, ԲԿ-ների և այլ մարզային կառույցների տնօրեններ, ներկայացուցիչներ։

Սերգեյ Մովսիսյանը ողջունեց նիստի մասնակիցներին և ներկայացրեց օրակարգային հիմնական հարցերը՝ խոսքը տրամադրելով առաջին զեուցող, մարզպետարանի ֆինանսական և սոցիալ-տնտեսական զարգացման վարչության պետ Նորայր Գալստյանին։ Զեկուցման թեման «Համայնքային սեփական եկամուտների հավաքագրման աշխատանքների վերաբերյալ» էր։ Նորայր Գալստյանն ընդհանուր առմամբ ներկայացրեց մարզի 9 համայնքների սեփական եկամուտների հավաքագրման ընթացիկ ցուցանիշները՝ կանգ առնելով խնդրահարույց համայնքների վրա։ Նա գործնական խորհուրդներ ներկայացրեց համայնքապետերին՝ եկամուտների գանձման գործընթացի դյուրացման վերաբերյալ։

Հաջորդ զեկուցողներն էին ՏԻ և ՀԳՄՀ վարչության պետ Հովհաննես Ասատրյանը՝ «Համայնքայի սեփականություն հանդիսացող գույքային միավորների նկատմամբ իրավունքների պետական գրանցման աշխատանքների վերաբերյալ» թեմայով և քաղաքաշինության վարչության պետ Հակոբ Ստեփանյանը, որը ներկայացրեց 2 զեկուցում՝ «Համայնքների ենթակառուցվածքների զարգացմանն ուղղված 2022-2023 թթ․ սուբվենցիոն ծրագրերի վերաբերյալ» և «Ինքնակամ կառույցների և դրանց օրինականացման գործընթացի կազմակերպման վերաբերյալ»։ Ի թիվս քննարկվող թեմաների՝ ամփոփ նկարագրվեցին մարզում ընթացող և կատարվելիք վերակառուցման աշխատանքները, առկա խնդիրներն ու ակնկալվող արդյունքները։

Նիստն ամփոփեց մարզպետը՝ համայնքապետերին առաջարկելով սեփական եկամուտների հավաքագրման գործընթացում առավել հետևողական լինել և ընդգծեց, որ խոշորացման արդյունքում ակնկալվող ցուցանիշները նախորդ տարիների համեմատությամբ պետք է առավել գոհացնող լինեն։