Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Իրականացվում է Արագածոտնի մարզի համայնքների և կազմակերպությունների քաղաքացիական պաշտպանության վիճակի համալիր գնահատում
13.06.2022
Հունիսի 13-17-ը Արագածոտնի մարզում կիրականացվի համայնքների և կազմակերպությունների քաղաքացիական պաշտպանության վիճակի համալիր գնահատում։ Միջոցառումն այսօր առավոտյան մեկնարկեց Արագածոտնի մարզպետարանի դահլիճում՝ մարզի քաղաքացիական պաշտպանության ղեկավար կազմի և աշխատանքային խմբի հավաքով։
Ներկա էին փոխմարզպետներ Հարություն Գուլյանը, Էդգար Փարվանյանը, մարզպետի խորհրդականներ Արմեն Գրիգորյանը, Ռազմիկ Թադևոսյանը, մարզպետարանի ստորաբաժանումների ղեկավարներ և աշխատակիցներ, մարզային քաղպաշտպանության ծառայության պատասխանատու պաշտոնատար անձինք (ԱԻՆ, ոստիկանության, բժշկական կենտրոնների և այլ ներկայացուցիչներ)։
Բացման խոսքով հանդես եկավ և ներկաներին ողջունեց փոխմարզպետ Հարություն Գուլյանը՝ ներկայացնելով այս շաբաթ իրականացվելիք միջոցառումների օրակարգը։ Նա կարևորեց պատշաճ մակարդակի ՔՊ միջոցառումների անցկացումն ու դրանցում համայնքների համապատասխան կառույցների ակտիվ ներգրավվածությունը։
Այսպիսով, ըստ օրակարգի, հունիսի 13-17-ը ՔՊ միջոցառումներ կիրականացվեն Աշտարակ, Ապարան, Ծաղկահովիտ, Թալին, Արագածավան համայնքներում և մի քանի կազմակերպություններում։
Արագածոտնի մարզի ՔՊ վիճակի համալիր գնահատումը կամփոփվի շտաբային ուսումնավարժությամբ և մարզպետարանում արդյունքների զեկուցմամբ։
