Արագածոտնի մարզպետի աշխատակազմ

Այսօր հերթական ընդունելությունն էր, որին մասնակցեց 29 քաղաքացի։ Ներկա էին մարզպետի օգնական Մերի Դատումյանը, սոցիալական բաժնի պետ Կարեն Թաթուլյանը, առողջապահության բաժնի պետ Մերի Շահազիզյանը։

Քաղաքացների զգալի մասն այսօր մարզպետին դիմեց բժշկական օգնության նպատակով նպաստ ստանալու համար։ Սա հունիս ամսվա առաջին ընդունելությունն էր։

Մարզպետարանի տեղեկատվության և հասարակայնության հետ կապերի բաժինն ամփոփել է նախորդ ամսվա ընթացքում մարզպետի մոտ կայացած ընդունելությունների արդյունքները։ Այսպիսով, մայիսին մարզպետն ընդունել է 116 քաղաքացու, որից 82-ի դիմումը բավարարվել է, 24 քաղաքացի ստացել է պարզաբանում, 10-ի դիմումը օբյեկտիվ պատճառներով չի բավարարվել։ 116 քաղաքացիներից 70-ը ստացել է դրամական օգնություն, 10-ը՝ բուժօգնություն, այլ հարցերով դիմած 2 քաղաքացու խնդիրը լուծում է ստացել։

Հարգելի՛ քաղաքացիներ, նշենք, որ մարզպետի մոտ ընդունելությանը մասնակցելու համար անհրաժեշտ է նախապես հերթագրվել՝ երկուշաբթիից ուրբաթ զանգահարելով (0232) 3 24 64 հեռախոսահամարով։