Արագածոտնի մարզպետի աշխատակազմ

 Այսօր Հայաստանի Հանրապետությունում մեկնարկել են բուհերի ընդունելության միասնական քննությունները:                                                                                               Այսօր տեղի ունեցան 2՝ «Կենսաբանություն» և «Աշխարհագրություն» առարկաների ստուգատեսները։ Արագածոտնում քննությունները կայացան Աշտարակի Պերճ Պռոշյանի անվան թիվ 3 հիմնական դպրոցում։                                   «Կենսաբանություն» առարկայից միասնական քննություն հանձնեց 74,    «Աշխարհագրություն»-ից՝ 3 դիմորդ։

Քննական գործըթացի մեկնարկին Արագածոտնի մարզպետարանի կրթության բաժնի պետ Ռուզաննա Նալբանդյանը մարզպետարանի աշխատակիցների հետ եղել է քննական կենտրոնում, զրուցել դիմորդների և նրանց ծնողների հետ։                     Այսօր քննություն հանձնողերի զգալի մասը Երևանի պետական բժշկական համալսարանի դիմորդ էր։

Քննությունների ավարտից հետո քննական կենտրոնի պատասխանատուն հավաստիացրեց՝ քննություններն անցկացվել են պատշաճ մթնոլորտում՝ խստագույնս պահպանելով սահմանված կանոնները։

Մեր դիմորդներին հաջողություն և բարձր գնահատականներ ենք մաղթում: