Արագածոտնի մարզպետի աշխատակազմ

 «ՀՀ Վարչապետի գավաթ»  դպրոցականների թիմային խճուղավազքի մարզային փուլն Արագածոտնի մարզում կայացավ այսօր՝ Շամիրամ համայնքում։ Մարզական միջոցառումը համախմբել էր Արագածոտնի 21  հանրակրթական ուսումնական հաստատությունների 10-12-րդ դասարանների 147  աշակերտների։

2 կմ վազքի մրցույթի արդյունքներն ամփոփվեցին տեղում, Արագածոտնի  մարզպետարանի ներկայացուցիչներից և տարբեր դպրոցների ուսուցիչներից  կազմված հանձնաժողովի արձանագրած արդյունքների հիման վրա։ Մրցանակային տեղերը բաշխվեցին հետևյալ կերպ՝       

1-ին պատվավոր տեղը զբաղեցրեց Արագածավանի թիվ 1 միջնակարգ դպրոցը, որը Արագածոտնի մարզը կներկայացնի նույն մրցույթի հանրապետական փուլում,

2-րդ  տեղը զբաղեցրեց Բազմաղբյուրի միջնակարգ դպրոցը,

3-րդ տեղում է Նոր Եդեսիայի միջնակարգ դպրոցը։

Մրցանակները հանձնեց և հաղթողներին շնորհավորեց  Արագածոտնի մարզպետի խորհրդական Արմեն Գրիգորյանը։

Նշենք, որ խճուղավազքի եզրափակիչ՝ հանրապետական   փուլը կանցկացվի մայիսի 14-ին, Դիլիջանի «Պարզ լիճ » տանող ճանապարհին։

Շնորհավորում ենք մարզային փուլի բոլոր մասնակիցներին և հաղթողներին, և Արագածավանի թիվ 1 դպրոցի թիմին հանրապետական փուլում մաղթում հաղթանակ։