Նորություններ
ՏԿԵ նախարարը ծանոթացավ սուբվենցիոն ծրագրերի ընթացքին և արդյունքներին
02.05.2022
ՀՀ տարածքային կառավարման և ենթակառուցվածքների նախարար Գնել Սանոսյանն ապրիլի 29-ին աշխատանքային այցով Արագածոտնի մարզում էր։
Նպատակը ավարտված և ընթացիկ սուբվենցիոն ծրագրերի արդյունքներին տեղում ծանոթանալն էր։
Արագածոտնի մարզպետ Սերգեյ Մովսիսյանի, փոխմարզպետների, խորհրդականների, Աշտարակի համայնքապետ Թովմաս Շահվերդյանի, փոխհամայնքապետի ուղեկցությամբ նախարարը ծանոթացավ Աշտարակ խոշորացված համայնքի տարբեր բնակավայրերում նախորդ տարվա սուբվենցիոն` կառավարություն֊համայնք համաֆինանսավորմամբ իրականացված ծրագրերի արդյունքին և ընթացիկ ծրագրերին։
Հավելենք, որ իրականացված և նախատեսվող սուբվենցիոն ծրագրերում պետության մասնաբաժինը հասնում է ընդհուպ մինչև 70 %֊ի։
Մարզպետը նախարարի հետ քննարկեց մարզի զարգացման ծրագրերին առնչվող մի շարք հարցեր։