Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Ապրիլի 24-ը հայ ժողովրդի համար որքան համազգային ցավի, այնքան էլ համախմբվելու, պահանջատիրության ու աշխարհին խաղաղության հորդոր հղելու օր է
25.04.2022
Համայն հայությունը ապրիլի 24-ին կրկին վերհիշում է 20-րդ դարի Մեծ եղեռնն ու ոգեկոչում միլիոնից ավելի հայ անմեղ զոհերի հիշատակը։ Ապրիլի 24-ը հայ ժողովրդի համար որքան համազգային ցավի, այնքան էլ համախմբվելու, պահանջատիրության ու աշխարհին խաղաղության հորդոր հղելու օր է։ Հայոց ցեղասպանության 107-րդ տարելիցին վերստին մարմին է առնում հայի արժանապատվությունը, ազգային գիտակցությունն ու պարվողականությունից ու խեղճությունից հրաժարվելու ուժեղ կամքը։
Սիրելի՛ հայրենակից, աշխարհաքաղաքական զարգացումների թափանիվում ազգովի համախմբված լինելը,արտաքին աշխարհի մարտահրավերներին միասնաբար դիմակայելու պատրաստակամությունն այլընտրանք չունի։ Ցեղասպանված ժողովրդի իրավահաջորդ սերունդն աշխարհին խաղաղություն և ցեղասպանություններ թույլ չտալ պարտադրելու ամենաշատ իրավունքն ունի։ Որպես մեր նախնիների վերընձյուղված ճյուղեր՝ պիտի լինենք միահամուռ, վճռական ու պահանջատեր։
Խնկարկում ենք Հայոց ցեղասպանության անմեղ զոհերի հիշատակը։
