Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Արագածոտնը մեկտեղել էր Հայաստանի, Արցախի ու Ջավախքի ավելի քան 350 երիտասարդների
09.03.2022
Արագածոտնի մարզի Աշնակ գյուղի «Եռանկյունի» երիտասարդական կենտրոնի և «Հզոր միտք» ՀԿ նախաձեռնությամբ օրերս Աշնակում կայացել է «Հզոր սերունդ» միջոցառումը, որին մասնակցել են ՀՀ 10 մարզերից, ️Երևանից, Արցախից ու Ջավախքից ավելի քան 350 երիտասարդներ։ Մոտիվացնող թեմաների շուրջ բանախոսել են տարբեր ոլորտի առաջատար մասնագետներ, որոնք երիտասարդությանը կոչ են արել նախաձեռնող, ակտիվ, ստեղծարար ու ինքնակրթվող լինել։ Անձնային աճի, բիզնես գաղափարները կյանքի կոչելու, ազգային դիմագիծն անխախտ պահելու, միասնական լինելու, համագործակցություններ հաստատելու կարևորության մասին են մասնակից երիտասարդները զրույցներ լսել ու ոգեշնչվել։
Մասնակցել է նաև Արագածոտնի մարզպետարանի զարգացման ծրագրերի,զբոսաշրջության ու վերլուծության բաժնի պետ Գագիկ Պողոսյանը։
«Մեր նպատակը հայ երիտասարդությանը համախմբելն է, և այս միջոցառումը լավագույնս ծառայեց դրան։ Մենք ուզում ենք, որ երիտասարդներն ավելի խիզախ, ակտիվ լինեն, չվախենան նախաձեռնելուց, միշտ զինվեն նոր գիտելիքով ու առաջ շարժվեն՝ զարգացնելու իրենց մարզը, հայրենիքը, պետությունը։ Կարծում ենք, «Հզոր սերունդ»-ը փոխեց հայ երիտասարդության մտածելակերպը՝ ուղղորդելով նոր ձեռքբերումների»,-մեզ հետ զրույցում ասաց միջոցառման կազմակերպիչներից Մանե Պողոսյանը։
Մարզեցի, արցախցի ու ջավախքցի երիտասարդների համար այս միջոցառումը նաև Արագածոտնի մարզ ճանաչողական այց էր։
Նմանօրինակ միջոցառումները շարունակական են։
