Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Ձյան մեջ՝ արև, Խաչասարում՝ հայկական միասնության ոգին ու շունչը․ տեղի ունեցավ «Ապարանյան ձմեռ» մարզամշակութային տոնակատարությունը
21.02.2022
Ազգային երգ-պարի, խոհանոցի, մարզական խաղերի, հյուրասիրության, կոլորիտային մթնոլորտում փետրվարի 20-ին Արագածոտնը հյուրընկալեց Հայաստանի տարբեր գյուղերից ու քաղաքներից ժամանած հարյուրավոր մարդկանց։ Ապարանի համայնքապետարանի նախաձեռնությամբ, Ապարան-Լուսագյուղ ճանապարհին գտնվող Խաչասարում կայացավ ավանդական «Ապարանյան ձմեռ» մարզամշակութային տոնակատարությունը։
Մասնակցում էին ՀՀ Արագածոտնի մարզպետ Սերգեյ Մովսիսյանը, մարզպետի տեղակալ Հարություն Գուլյանը, մարզպետի խորհրդական Ռազմիկ Թադևոսյանը, մարզպետարանի մշակույթի և սպորտի բաժնի պետ Սաթենիկ Ավոյանը, Թալինի, Ապարանի համայնքապետերը` Տավրոս Սափեյանը, Կարեն Եղիազարյանը, պաշտոնատար այլ անձինք, լրագրողներ, մարզասերներ ու մշակութասերներ։
Միջոցառման մասնակիցներին բարի գալուստ ասաց մարզպետ Սերգեյ Մովսիսյանը՝ կարևորելով ազգային ավանդական միջոցառումների անցկացումն ու մաղթելով հագեցած ժամանց։
Արագածոտնի համայնքները ներկայացնող տաղավարներում ազգային կերակրատեսակների հյուրասիրություն էր, որից անմասն չմնացին մարզպետարանի ներկայացուցիչները։ Մարզպետը շրջեց բոլոր տաղավարներով, զրուցեց քաղաքացիների հետ, քաջալերեց մարզական առաջնությունների մասնակիցներին։
Այսօր ձյան մեջ արև կար, Խաչասարում՝ հայկական միասնության շունչն ու ոգին։
