Արագածոտնի մարզպետի աշխատակազմ

«Երևանյան հեռանկարներ»-ի ներկայացուցիչները խոսեցին այս տարվա ամռանը նախատեսվող միջազգային մեծ փառատոնի կազմակերպական աշխատանքների մասին` ընդգծելով, որ ակնկալում են մարզպետարանի գործուն աջակցությունը։ Եռօրյա փառատոնը կանցկացվի երևանամերձ ու գեղատեսիլ Արագածոտնում` համախմբելով հայ և արտասահմանցի մշակութասերներին։ Ինչպես նշեց փառատոնի գլխավոր մենեջեր Սոնա Հովհաննիսյանը` նախատեսվում է համաշխարհային աստղերի և մի քանի տասնյակ հազարի հասնող մարդկանց մասնակցությունը։

Սերգեյ Մովսիսյանը կարևորեց լայնամասշտաբ մշակութային միջոցառումների անցկացումն ու նշեց, որ մարզպետարանը կներդնի բոլոր ջանքերը` միջոցառման կազմակերպիչներին լավագույնս աջակցելու հարցում։ Ձեռք բերվեց համագործակցությունը գործնական դարձնելու պայմանավորվածություն։ Կողմերը առաջիկայում կրկին կհանդիպեն` փառատոնի անցկացման վայրն ընտրելու, միջոցառման օրակարգն ուրվագծելու և մանրամասները քննարկելու նպատակով։