Նորություններ
Աշտարակի բժշկական կենտրոնում օրական պատվաստվում է 90-95 քաղաքացի․ ԲԿ այցելեցին և հերթական պատվաստումն ստացան մարզպետն ու փոխմարզպետը
24.01.2022
![](http://aragatsotn.mtad.am/files/n_pics/30815_s.jpg)
ՀՀ Արագածոտնի մարզպետ Սերգեյ Մովսիսյանն ու մարզպետի տեղակալ Հարություն Գուլյանն այսօր այցելեցին Աշտարակի բժշկական կենտրոն։ Նրանք տեղում ծանոթացան պատվաստումային գործընթացին, ԲԿ տնօրեն Արգիշտի Հովհաննիսյանի հետ քննարկեցին մարզում COVID19-ով հիվանդացության իրավիճակն ու առողջապահության ոլորտին առնչվող մի շարք խնդիրներ։ Սերգեյ Մովսիսյանն ու Հարություն Գուլյանը ստացան իրենց հերթական պատվաստումը։
Մեզ հետ զրույցում բուժաշխատողները նշեցին, որ Աշտարակի ԲԿ-ում օրական պատվաստվում է 90-95 քաղաքացի, այդ թվում՝ թե՛ մարզի, թե՛ Երևանի բնակիչներ։
Հավելենք, որ ԲԿ-ում պատվաստանյութերի պակաս չկա, քաղաքացիները կարող են իրենց նախընտրած պատվաստանյութը ստանալ, մարզում պատվաստումային գործընթացն իրականացվում է նաև շրջիկ կայանների միջոցով։
Հորդորում ենք պատվաստվել և խուսափել համավարակի անցանկալի հետևանքներից։ Առողջ եղեք։