Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Տարածքային կառավարում-տեղական ինքնակառավարում-պետական կառավարում գործակցությունը պետք է սերտ ու արդյունավետ լինի․ Ռազմիկ Պետրոսյան

12.01.2022

 Արագածոտնի մարզի խոշորացված համայնքների նորընտիր համայնքապետերի մասնակցությամբ այսօր մարզպետարանում խորհրդակցություն էր, որը վարեցին մարզպետ Ռազմիկ Պետրոսյանը, մարզպետի տեղակալներ Հարություն Գուլյանը, Տիգրան Եղիազարյանը և գլխավոր քարտուղար Հրաչյա Գևորգյանը։

Ռազմիկ Պետրոսյանը, շնորհավորելով համայնքների ղեկավարներին, կոչ արեց առավել մեծ նախաձեռնողականություն ցուցաբերել՝ տարածքային կառավարում-տեղական ինքնակառավարում-պետական կառավարում գործակցության ակտիվացման համար։

«Համայնքները պետք է համաչափ զարգանան, և այս համատեքստում մեծ է ձեր դերակատարումը՝ խնդիրների գույքագրումից  մինչև համապատասխան  առաջարկների  ներկայացում։ Ծրագրերը պետք է իրականացվեն  ըստ առաջնահերթությունների»,-ընդգծեց մարզպետը։

Փոխմարզպետները զեկուցեցին սուբվենցիոն և այլ ծրագրերով առաջիկայում իրականացվելիք աշխատանքների մասին ճանապարհների ասվալտապատումից մինչև արևային կայանների ու մանկապարտեզների հիմնում (hամայնքներում մեկնարկող ծրագրերի մասին առաջիկայում հանդես կգանք առանձին հրապարակումներով)։ Անդրադարձ կատարվեց COVID-19-ի դեմ պատվաստումների ցուցանիշներին, գյուղատնտեսական, հողօգտագործման հետ կապված մի շարք հարցերի։ 

 Գլխավոր քարտուղար Հրաչյա Գևորգյանը փաստաթղթավարման գործընթացին վերաբերող  գործնական խորհուրդներ հղեց համայնքապետերին։

Նիստն ավարտվեց  տարին նոր աշխատաոճով սկսելու, մարզպետարան-ՏԻՄ գործակցությունն ակտիվացնելու երկուստեք պատրաստակամությամբ։

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-07-01 17:31:52