Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ռազմիկ Պետրոսյանը երեկ աշխատանքային շրջայց է կատարել համայնքներով․ հանդիպումներ համայնքապետարանի ներկայացուցիչների և մանակավարժների հետ
12.01.2022
Տարածքային կառավարում-տեղական ինքնակառավարում համագործակցությունն ակտիվացնելու նպատակով մարզպետ Ռազմիկ Պետրոսյանը երեկ հանդիպումներ է ունեցել Ալագյազի, Ծաղկահովիտի համայնքապետարանների ներկայացուցիչների հետ, քննարկել է առկա խնդիրներն ու դրանց լուծումները։ Համայնքապետարաններում հանդիպումներից հետո Ալագյազի համայնքապետ Ջասմ Մախմուդովի և Ծաղկահովիտի համայնքապետ Նորաին Հակոբյանի հետ մարզպետն այցելել է համայնքի դպրոցներ, հանդիպել մանկավարժների հետ։
Ուսուցիչների հետ հանդիպման ընթացքում Ռազմիկ Պետրոսյանն ու կրթության, մշակույթի և սպորտի վարչության պետ Սեդա Սողոմոնյանը խոսել են հանրակրթական դպրոցներում կրթության որակի բարձրացմանն ուղղված քայլերի, մարտահրավերների ու խնդիրների մասին։ Մարզպետը շնորհակալություն է հայտնել ուսուցիչներին՝ ստանձնած ազգանվեր առաքելությունն անտրտունջ ու նվիրումով իրականացնելու համար։
Համայնքներ այցն ամփոփվել է Բերքառատի միջնակարգ դպրոցում ազատամարտիկ, 44-օրյա պատերազմում հերոսի մահով ընկած Գևորգ Ասատրյանի անվան դասասենյակի բացման միջոցառմամբ։
Շրջայցի ավարտին մարզպետն այցելել է Ապարանի փառքի պանթեոն ու գլուխ խոնարհել Արցախյան պատերազմում զոհված հերոսների շիրիմների առջև։
