Նորություններ
Կայացավ թատերական բեմադրություն՝ ներկայացնելով 20-րդ դարի 5 հայ ականավոր կանանց և նրանց դերը կանանց իրավազորման գործում
10.12.2021
ՀՀ աշխատանքի և սոցիալական հարցերի նախարարությունը «Օքսեջեն հիմնադրամի» և «ՄԱԿ-ի Բնակչության հիմնադրամի» հետ համատեղ գենդերային բռնության դեմ 16-օրյակին նվիրված միջոցառումների շրջանակում իրականացնում է «Ականավոր հայ կանայք՝ հանուն կանանց իրավազորմանը» խորագրով քարոզարշավը, որի նպատակն է բարձրացնել կանանց իրազեկվածության մակարդակը գենդերային հավասարության կարևորության շուրջ։
Արագածոտնի մարզի Աշտարակի Ներսես Աշխատարակեցու անվան թիվ 1 հիմնական դպրոցում այսօր կայացավ թատերական բեմադրություն՝ ներկայացնելով 20-րդ դարի 5 հայ ականավոր կանանց և նրանց դերը կանանց իրավազորման գործում:
Միջոցառմանը ներկա էին Արագածոտնի մարզպետի տեղակալ Տիգրան Եղիազարյանը, մարզպետարանի ընտանիքի, կանանց և երեխաների իրավունքների պաշտպանության բաժնի պետ Լուիզա Ղարիբյանը, Աշխատանքի և սոցիալական հարցերի նախարարության, ՕքսԵՋեն հիմնադրամի ներկայացուցիչներ և այլ հյուրեր:
Միջոցառման ավարտին տեղի ունեցավ քննարկում «Կանանց առաջնորդության դերը հայոց պատմության մեջ ազգային արժեքների համատեքստում և միացյալ ջանքերի կարևորությունը գենդերային կարծրատիպերի հաղթահարմանն ուղղված պայքարում» թեմայով:
Միջոցառման նպատակն էր բարձրացնել հանրության իրազեկությունն առաջնորդական այն դերի մասին, որն անցյալում ունեցել են անվանի հայ կանայք և ծավալել ակտիվ քննարկում՝ ազգային արժեքների ու երկրի զարգացման համատեքստում կանանց իրավազորման և գենդերային հավասարության կարևորության շուրջ: