Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Արագածոտնի մարզպետ Ռազմիկ Պետրոսյանն այսօր աշխատանքային խորհրդակցություն է հրավիրել

06.12.2021

Արագածոտնի մարզպետ Ռազմիկ Պետրոսյանն այսօր աշխատանքային խորհրդակցություն է հրավիրել, որին մասնակցել են մարզպետի տեղակալներ Հարություն Գուլյանը, Տիգրան Եղիազարյանը, մարզպետարանի գլխավոր քարտուղար Հրաչյա Գևորգյանը և մարզպետարանի կառուցվածքային ստորաբաժանումների ղեկավարները:
Ներկաները խորհրդակցել են կրթության, մշակույթի, սպորտի, տեղական ինքնակառավարման մարմինների, առողջապահության, բնապահպանության, հողաշինության, ընդերքօգտագործման, արտակարգ իրավիճակներում բնակչության պաշտպանության, ներդրումային և այլ ծրագրերի, քաղաքաշինության, սոցիալական աջակցության, պատվաստումային գործընթացի և մարզպետարանի լիազորությունների տիրույթում գտնվող մի շարք այլ հարցերի շուրջ:
Խորհրդակցության ընթացքում կատարվել է նաև մարզպետի տեղակալներ Հարություն Գուլյանի, Տիգրան Եղիազարյանի և մարզպետարանի գլխավոր քարտուղար Հրաչյա Գևորգյանի համակարգման ներքո գտնվող ոլորտների բաշխում:
-Մենք պետք է մարզի բոլոր խնդիրներին տիրապետենք, վեր հանենք դրանք, որպեսզի կարողանանք հնարավորինս շուտ լուծել: Այն գործերը, որոնք հնարավոր է կատարել այսօր, կատարեք այսօր. կարիք չկա սպասել մինչև հանձնարարականի վերջնաժամկետ: Մարզպետարանի աշխատակազմը, ենթակա կազմակերպությունները, ՏԻՄ-երը և մյուս բոլոր կառուցները պետք է համագործակցեն ու գործուն աջակցեն գործառույթների բնականոն իրականացմանը. գործեք այս տրամաբանությամբ: Խնդիրների լուծման հարցում բացառեք անձնական մոտեցումներն անձանց կամ երևույթների նկատմամբ: Որոշումներ կայացնելիս առաջնորդվեք ազնվության սկզբունքով և դիրքորոշում արտահայտեք մասնագիտական տեսակետի հիման վրա: Մենք պետք է գույքագրենք մարզի համայնքների խնդիրները և աջակցենք, որպեսզի բոլոր բնակավայրերում հավասարության սկզբունքով և ըստ առաջնահերթության արդյունավետ ծրագրեր իրակացվեն.- ասել է մարզպետը, ապա լավ աշխատանքային շաբաթ է մաղթել մարզպետարանի անձնակազմին, հավելով՝ պարբերաբեր իրեն ներկայացնել ոլորտային անհատական հարցերն ու դրանց ուղղությամբ իրականցված աշխատանքները:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2022-01-26 09:40:43