Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Սուբվենցիոն ծրագրով Արագածոտնի մարզի Ոսկեվազ համայնքում ասֆալտապատման աշխատանքներ են իրականացվում
25.11.2021
Սուբվենցիոն ծրագրով Արագածոտնի մարզի Ոսկեվազ համայնքում ասֆալտապատման աշխատանքներ են իրականացվում:
Արագածոտնի մարզպետարանի քաղաքաշինության վարչության պետ Հակոբ Ստեփանյանն այցելել է շինհրապարակ՝ իրականացվող աշխատանքների ընթացքին հետևելու նպատակով:
Ասֆալտապատվել են համայնքի 3 կենտրոնական՝ Արագածի, Մաշտոցի և Արարատյան փողոցները, մանկապարտեզ տանող հողային ճանապարհը և դպրոցին հարակից փողոցի մայթը:
Ծրագրի արժեքը 22 միլիոն դրամ է, որի 30%-ը ՀՀ կառավարությունն է համաֆինանսավորելու, 70%-ը կներդնի համայնքը:
Սուբվենցիոն ծրագրերն իրականացվում են ՀՀ կառավարության և տվյալ համայնքի համաֆինանսավորմամբ՝ ՀՀ տարածքային կառավարման և ենթակառուցվածքների նախարարության և Արագածոտնի մարզպետարանի հետ համատեղ:
