Արագածոտնի մարզպետի աշխատակազմ

Սուբվենցիոն ծրագրով Արագածոտնի մարզի Անտառուտ համայնքում կառուցվում է համայնքային կենտրոն:
Մինչ այժմ Անտառուտում չկար որևէ շինություն կամ տարածք, որտեղ հնարավոր կլիներ հանդիպումներ-քննարկումներ կազմակերպել. համայնքապետարանի աշխատանքներն անգամ կազմակերպվում էին վագոն-տնակում:
Նորակառույց շինությունը կծառայի որպես համայնքային կենտրոն. այստեղ կկազմակերպվեն բնակչությանը համայնքի կողմից տրամադրվող ծառայությունների անխափան գործունեությունը:
Շինարարարությունն ընթանում է բավականին ակտիվ. արդեն կատարվել են հիմքի ամրացման աշխատանքները, պատերը շարված են, դռներն ու պատուհանները՝ տեղադրված, տանիքը՝ կառուցված: Ներքին հարդարման և այլ շինարարական աշխատանքները նախատեսվում է ավարտել մինչև տարեվերջ:
Ծրագրի արժեքը 20 միլիոն 403 հազար դրամ է, որի 35-%-ը ՀՀ կառավարությունն է համաֆինանսավորելու, 65-%-ը կներդնի համայնքը:
Սուբվենցիոն ծրագրերն իրականացվում են ՀՀ կառավարության և տվյալ համայնքի համաֆինանսավորմամբ՝ ՀՀ տարածքային կառավարման և ենթակառուցվածքների նախարարության և Արագածոտնի մարզպետարանի հետ համատեղ: