Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
2021 թվականի սուբվենցիոն ծրագրով Արագածոտնի մարզի Օհանավան համայնքի կենտրոնում հուշապուրակ է կառուցվում
10.11.2021
2021 թվականի սուբվենցիոն ծրագրով Արագածոտնի մարզի Օհանավան համայնքի կենտրոնում հուշապուրակ է կառուցվում:
Համայնքի կենտրոնական հատվածը օհանավանցիների սիրելի հավաքատեղին է: Գյուղացիները սովորույթի համաձայն հանդիպում են գյուղամիջում, քննարկում առօրյան, ժամանցային խաղեր խաղում՝ զրուցելով համայնքի անցուդարձից: Սուբվենցիոն ծրագրով այս վայրը բարեկարգվում է. տեղադրվել են նստարաններ, կառուցվել է տաղավար, անհրաժեշտ հատվածներն էլ ասֆալտապատվել են:
Պուրակն էլ ավելի գրավիչ դարձնելու համար առաջիկայում նաև կանաչապատման և ծառատնկման աշխատանքներ կիրականացվեն:
Ծրագրի արժեքը 20 միլիոն 572 հազար դրամ է, որի 30-%-ը ՀՀ կառավարությունն է համաֆինանսավորելու, 70-%-ը կներդնի համայնքը:
Համայնքի բնակիչների հանգանակությամբ և համայնքապետարանի միջոցնելով էլ պուրակում Արցախյան պատերազմում զոհված օհանավանցիների հիշատակը հավերժացնող հուշակոթող է տեղադրվում:
Սուբվենցիոն ծրագրերն իրականացվում են ՀՀ կառավարության և տվյալ համայնքի համաֆինանսավորմամբ՝ ՀՀ տարածքային կառավարման և ենթակառուցվածքների նախարարության և Արագածոտնի մարզպետարանի հետ համատեղ:
