Արագածոտնի մարզպետի աշխատակազմ

2020 թվականի սեպտեմբերի 27-ին հակառակորդի սանձազերծած լայնածավալ գործողությունների ընթացքում Արցախի Հանրապետության պետական սահմանը պաշտպանելիս ցուցաբերած արիության և խիզախության համար Արցախի Հանրապետության նախագահի հրամանագրով հետմահու «Մարտական ծառայություն» մեդալով են պարգևատրվել՝

Իսրայել Գևորգի Կարապետյանը /Ոսկեթաս համայնք/

Համլետ Կարենի Մեխակյանը /Կոշ համայնք/

Գևորգ Գրիգորի Գևորգյանը /Ոսկեվազ համայնք/

Հարություն Վաչագանի Մելքոնյանը /Օշական համայնք/

Արտակ Սերոբի Սարգսյանը /Աշտարակ համայնք/

Գոռ Սեյրանի Թումանյանը /Աշտարակ համայնք/

Պատվական Արամի Ենգոյանը /Աշտարակ համայնք/

Վահե Սարգսի Սարգսյանը /Աշտարակ համայնք/

Գուրգեն Միքայելի Ավետիսյանը /Աշտարակ համայնք/

Արագածոտնի մարզպետ Դավիթ Գևորգյանը, համայնքների ղեկավարների և Արագածոտնի մարզի զինվորական կոմիսարիատի ներկայացուցիչների հետ այցելել է հերոսների բնակարաններ, նրանց ընտանիքներին է հանձնել հետմահու շնորհված պետական պարգևները:
Անմահացած զինծառայողների հարազատները մարզպետի հետ զրույցում պատմել են իրենց զավակների սխրանքների, հայրենիքին ու ծառայությանը նվիրվածության, նախասիրությունների ու որդիների այն նպատակների մասին, որոնք իրենք նախաձեռնել են իրագործել:
Մարզպետ Դավիթ Գևորգյանն իր խոնարհումն ու զորակցությունն է հայտնել նահատակների ընտանիքներին, նշելով, որ, մարզպետարանը և ինքն անձամբ, գործուն կերպով կաջակցեն այդ նպատակների իրագործմանը, այդ ու բոլոր այլ հարցերում կլինեն հերոսների ընտանիքների կողքին:
Հ.Գ. Մարզի զոհված հերոսների ընտանիքներին այցելությունները կլինեն շարունակական: