Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Արագածոտնի մարզի Մաստարայի միջնակարգ դպրոցում արևային ֆոտովոլտային կայան է կառուցվել
16.12.2020
Արագածոտնի մարզի Մաստարայի միջնակարգ դպրոցում արևային ֆոտովոլտային կայան է կառուցվել:
Արագածոտնի մարզպետ Դավիթ Գևորգյանն այսօր աշխատանքային այց է կատարել Մաստարայի միջնակարգ դպրոց, ՏԿԵ նախարարության, Հայաստանի վերականգնվող էներգետիկայի և էներգախնայողության հիմնադրամի, ՖՎ համակարգեր տեղադրող ընկերության ներկայացուցիչների հետ շրջել է դպրոցում, ծանոթացել կայանի տեղադրման ծրագրի արդյունքներին:
Մաստարայի միջնակարգ դպրոցում տեղադրված 10կՎտ հզորության կայանի տարեկան արտադրողականությունը կազմում է 15.000կՎտ*ժ, որն ամբողջությամբ կբավարարի դպրոցի էլեկտրաէներգիայի պահանջարկը և նախատեսվում է, որ դպրոցը տարեկան 675.000 դրամ կխնայի:
Ոլորտային մասնագետների հետ քննարկվել են մարզի այլ դպրոցներում ևս նմանատիպ կայանների տեղադրման հնարավորությունները, ձեռք է բերվել պայմանավորվածություն հետագա համագործակցության վերաբերյալ:
Այցի ավարտին դպրոցի անձնակազմի հետ քննարկվել են դպրոցի համակարգիչների և մարզադահլիճի անմխիթար վիճակի վերաբերյալ խնդիրները: Մարզպետը պատրաստակամություն է հայտնել կարճ ժամկետում լուծել մարզադահլիճի վերանորոգման և համակարգիչների խնդիրը:
