Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
2020թ. սուբվենցիոն ծրագրով Արագածավան համայնքի Արագածավան, Գետափ, Արտենի բնակավայրերում կկառուցվի գիշերային լուսավորության ցանց
27.07.2020
Արագածոտնի մարզի համայնքների տնտեսական և սոցիալական ենթակառուցվածքների զարգացմանն ուղղված 2020 թվականի սուբվենցիոն ծրագրի շրջանակում կընդլայնվի Արագածավան համայնքի լուսավորության համակարգը:
Կառուցվող 5.1կմ երկարությամբ լուսավորության ցանցն անցնելու է Արագածավան խոշորացված համայնքի Արագածավան, Արտենի և Գետափ բնակավայրերով: Տեղադրվելու են 175 սյուներ և էներգոխնայող լուսադիոդային լամպեր: Աշխատանքների ավարտից հետո գիշերային ժամերին Գետափ և Արտենի բնակավայրերն ամբողջությամբ, իսկ Արագածավան բնակավայրը ավելի քան 70%-ով լուսավորված կլինեն: Ծրագրի իրականացման համար անհրաժեշտ գումարի 50%-ը ՀՀ կառավարությունն է համաֆինանսավորելու, նույնքան էլ կներդնի համայնքը:
Սուբվենցիոն ծրագրերի շրջանակներում համայնքային նշանակության խնդիրները լուծելու մասին որոշումը կայացվել է տվյալ համայնքի ավագանու կողմից՝ հաշվի առնելով բնակիչների կարծիքը և խնդիրների առաջնահերթությունը:
Արագածոտնի մարզի համայնքների կողմից ներկայացված մյուս ծրագրային հայտերի մասին կտրամադրվի լրացուցիչ տեղեկատվություն:
Սուբվենցիոն ծրագրերն իրականացվում են ՀՀ կառավարության և տվյալ համայնքի համաֆինանսավորմամբ՝ ՀՀ տարածքային կառավարման և ենթակառուցվածքների նախարարության և Արագածոտնի մարզպետարանի հետ համատեղ:
