Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

2020թ. սուբվենցիոն ծրագրով Ալագյազ համայնքի բոլոր 11 բնակավայրերում գիշերային լուսավորության ցանց կկառուցվի

18.07.2020

Արագածոտնի մարզի համայնքների տնտեսական և սոցիալական ենթակառուցվածքների զարգացմանն ուղղված 2020 թվականի սուբվենցիոն ծրագրի շրջանակում կընդլայնվի Ալագյազ խոշորացված համայնքի լուսավորության համակարգը:

Գիշերային լուսավորության 6կմ երկարությամբ նորակառույց ցանցն անցնելու է համայնքի բոլոր 11 բնակավայրերով: Տեղադրվելու են 104 նոր հենասյուներ՝ լեդ լուսատուներով, ևս 84-ը վերանորոգվելու են:Աշխատանքների ավարտից հետո Ալագյազ խոշորացված համայնքը գիշերային ժամերին ավելի քան 90%-ով լուսավորված կլինի:

Ծրագրի իրականացման համար անհրաժեշտ գումարի 65%-ը ՀՀ կառավարությունն է համաֆինանսավորելու, 35%-ը կներդնի համայնքը:

Սուբվենցիոն ծրագրերի շրջանակներում համայնքային նշանակության խնդիրները լուծելու մասին որոշումը կայացվել է տվյալ համայնքի ավագանու կողմից՝ հաշվի առնելով բնակիչների կարծիքը և խնդիրների առաջնահերթությունը:
Արագածոտնի մարզի համայնքների կողմից ներկայացված մյուս ծրագրային հայտերի մասին կտրամադրվի լրացուցիչ տեղեկատվություն:

Սուբվենցիոն ծրագրերն իրականացվում են ՀՀ կառավարության և տվյալ համայնքի համաֆինանսավորմամբ՝ ՀՀ տարածքային կառավարման և ենթակառուցվածքների նախարարության և Արագածոտնի մարզպետարանի հետ համատեղ:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-29 12:13:24