Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

2020թ. սուբվենցիոն ծրագրով Ագարակավան համայնքում 2 նոր պոմպակայան կկառուցվի

14.07.2020

Արագածոտնի մարզի համայնքների տնտեսական և սոցիալական ենթակառուցվածքների զարգացմանն ուղղված 2020 թվականի սուբվենցիոն ծրագրի շրջանակում Ագարակավան համայնքում 2 նոր պոմպակայան կկառուցվի:

Համայնքի 3 քայքայված պոմպակայանները կխոխարինվեն 2 նոր՝ հզոր պոմպակայաններով, որի արդյունքում 1 վայրկյանում նախկին 40 լիտրի փոխարեն 160 լիտր ոռոգման ջուր կմղվի: Ջրի այս քանակությունը կբավարարի համայնքի բոլոր 270 տնտեսությունների շուրջ 151հա տնամերձ այգիները և 200հա ցանքատարածությունները ոռոգելուն:

Ծրագրի իրականացման համար անհրաժեշտ գումարի 50%-ը ՀՀ կառավարությունն է համաֆինանսավորելու, նույնքան էլ կներդնի համայնքը:

Գյուղացիական տնտեսություններին ոռոգման կայուն ջրամատակարարում ապահովելու հարցը մեր աշխատանքային օրակարգում է:

Սուբվենցիոն ծրագրերի շրջանակներում համայնքային նշանակության խնդիրները լուծելու մասին որոշումը կայացվել է տվյալ համայնքի ավագանու կողմից՝ հաշվի առնելով բնակիչների կարծիքը և խնդիրների առաջնահերթությունը:
Արագածոտնի մարզի համայնքների կողմից ներկայացված մյուս ծրագրային հայտերի մասին կտրամադրվի լրացուցիչ տեղեկատվություն:

Սուբվենցիոն ծրագրերն իրականացվում են ՀՀ կառավարության և տվյալ համայնքի համաֆինանսավորմամբ՝ ՀՀ տարածքային կառավարման և ենթակառուցվածքների նախարարության և Արագածոտնի մարզպետարանի հետ համատեղ:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-08-13 11:05:17