Արագածոտնի մարզպետի աշխատակազմ

ՀՀ Արագածոտնի մարզպետ Դավիթ Գևորգյանն այսօր շրջայց է կատարել Արագածոտնի մարզի Սասունիկ, Օշական, Սաղմոսավան և Օհանավան (Ծաղկեվանք) համայնքներում, դիմակներ է բաժանել բնակիչներին և նրանց հետ զրուցել է դիմակի կրման կարևորության մասին:

Կարող ենք արձանագրել, որ Արագածոտնի մարզի բնակիչները հետամուտ են հակահամաճարակային կանոնների պահպանման նկատմամբ:

Նաև պետք է հիշել դիմակը ճիշտ դնելու մասին. դիմակը չի պաշտպանում պարանոցը, ճակատը, միայն քիթը կամ բերանը:

Դիմակն անհրաժեշտ է դնել այնպես, որ այն ծածկի միաժամանակ և՛ քիթը, և՛ բերանը:
Մենք կկարողանանք առավել արագ հաղթահարել համաճարակը, եթե բոլորս գիտակցենք, որ մեր դիմակը փրկում է դիմացինին, դիմացինը՝ մեզ:

Այսօր մարզի մի շարք համայնքներում համայնքների ղեկավարների և ՀՀ Արագածոտնի մարզպետարանի աշխատակիցների կողմից իրականացվել է դիմակ բաժանելու և դրա կրման կարևորությունը իրազեկող արշավ: