Արագածոտնի մարզպետի աշխատակազմ

 Արագածոտնի մարզի համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրի շրջանակում՝ ընթանում են Ներքին Բազմաբերդ համայնքի խմելաջրի օրվա կարգավորիչ ջրամբարի վերանորոգման աշխատանքները:

Ծրագրով նախատեսվում է վերանորոգել խմելաջրի 300 խորանարդ մետր տարողությամբ ՕԿՋ-ն, ինչպես նաև իրականացվելու են փականների, գլխավոր ջրագիծը սնուցող խողովակաշարի մոտ 200 մետր հատվածի փոխարինման և ցանցի բարեկարգման այլ աշխատանքներ:

Արդյունքում՝ Ներքին_Բազմաբերդ համայնքի ևս 55 տնտեսության ավելի քան 200 բնակչի խմելու ջուր կմատակարարվի:

Աշխատանքների ընդհանուր արժեքի 45% կներդնի համայնքը, մնացած 55%-ը կհատկացնի ՀՀ կառավարությունը:

Արագածոտնի մարզի բոլոր համայնքները խմելաջրով ապահովելը մեզ համար շարունակում է մնալ առաջնային: Համայնքներում առկա ջրամատակարարման խնդիրները քայլ առ քայլ լուծվելու են:

Սուբվենցիոն ծրագրերի շրջանակներում համայնքային նշանակության խնդիրները լուծելու մասին որոշումը կայացվել է տվյալ համայնքի ավագանու կողմից՝ հաշվի առնելով բնակիչների կարծիքը և խնդիրների առաջնահերթությունը:
Արագածոտնի մարզի համայնքների կողմից ներկայացված մյուս ծրագրային հայտերի մասին կտրամադրվի լրացուցիչ տեղեկատվություն:

Սուբվենցիոն ծրագրերն իրականացվում են ՀՀ կառավարության և տվյալ համայնքի համաֆինանսավորմամբ՝ ՀՀ տարածքային կառավարման և ենթակառուցվածքների նախարարության և Արագածոտնի մարզպետարանի հետ համատեղ: