Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Երեխաների առօրյան Արագածոտնի մարզում առավել հետաքրքիր ու հագեցած դարձնելու համար 2020 թվականի ընթացքում կիրականացվեն բարեկարգման մի շարք ծրագրեր

01.06.2020

Երեխաների առօրյան Արագածոտնի մարզում առավել հետաքրքիր ու հագեցած դարձնելու համար 2020 թվականի ընթացքում կիրականացվեն բարեկարգման մի շարք ծրագրեր, որոնց արդյունքում մարզում կունենանք ևս 6 հարմարավետ մանկապարտեզ, 1 բարեկարգ զբոսայգի, 2 նոր նախակրթարան, կկառուցվի 1 մարզադպրոց, 1 ՏՏ դպրոց, կգործի 2 ցերեկային կենտրոն՝ կից խաղահրապարակներով:

Սուբվենցիոն ծրագրի շրջանակներում այս նպատակին ուղղված Արագածոտնի մարզից ներկայացված 9 ծրագրից 6-ն արդեն հաստատվել է միջգերատեսչական հանձնաժողովի կողմից, 3 ծրագիր կքննարկվի առաջիկա նիստերի ընթացքում

Հաստատված՝

✅Կարբի համայնքի «Կենտրոնական այգու տարածքի բարեկարգման աշխատանքների իրականացում և խաղահրապարակի կառուցում»
✅Նոր Ամանոս համայնքի «Մանկապարտեզի համապատասխան գույքի ձեռքբերում»
✅Արագածավան համայնքի «Արագածավան և Արտենի բնակավայրերի մանկապարտեզների գազաֆիկացում և ջեռուցում»
✅Օշական համայնքի «Դպրոցական փողոցի 24 հասցեում գտնվող մանկապարտեզի շենքի մասնակի հիմնանորոգում և տանիքի կառուցում»
✅Կարբի համայնքի «ՏՏ դպրոցի և ուսուցման կենտրոնի հիմնադրման համար շենքի շինության ձեռք բերում»
✅Կարբի համայնքի «Մարզադպրոցի կառուցում»


✅ Քննարկման փուլում գտնվող՝

✅Արագածավան համայնքի «Արտենի բնակավայրի մանկապարտեզի վերանորոգում և գույքի ձեռքբերում»
✅Թալին համայնքի «Թիվ 3 մանկապարտեզի դահլիճի, խաղահրապարակի հիմնանորոգման աշխատանքներ»
✅Արագածոտն համայնքի «Մանկապարտեզի շենքի հիմնանորոգում»


✅ «Կրթության բարելավում» ծրագրի «Դպրոցին երեխաների պատրաստվածության բարձրացում և հավասար մեկնարկային հնարավորությունների ապահովում» ենթաբաղադրիչի շրջանակներում Արագածոտնի մարզում 2 նախակրթարան կհիմնվի՝

✅Ծաղկահովիտ համայնքի Գեղադիր բնակավայում
✅Ծաղկահովիտ համայնքի Գեղարոտ բնակավայում


✅ «Վորլդ Վիժն Հայաստան» զարգացման եվ բարեգործական միջազգային կազմակերպության կողմից նախորդ տարի վերանորոգվել է Ապարան համայնքի Քուչակ բնակավայրի մանկապարտեզը, որն այս տարի կհամալրվի գույքով և անհրաժեշտ պարագաներով:
Կազմակերպության կողմից հիմնվել է 2 ցերեկային կենտրոն և խաղահրապարակներ՝ Ապարանում և Թալինում: Երեխաների կրթական, մշակութային զարգացման, բակային ճամբարների կազմակերպման համար նախատեսված երկարօրյա կենտրոններն այժմ աշխատում են հեռահար: Բացումը տեղի կունենա համաճարակային իրավիճակի կայունանալուց հետո:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-27 16:49:35