Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ՀՀ Արագածոտնի մարզպետ Դավիթ Գևորգյանի ուղերձը Վերջին զանգի առթիվ

22.05.2020

Սիրելի՛ շրջանավարտներ,

Շնորհավորում եմ դպրոցական Վերջին զանգի առթիվ:

Այսօր դուք հրաժեշտ եք տալիս հարազատ դպրոցին՝ ձեզ հետ տանելով բազում գիտելիքներ, մտերիմ ընկերներ և անգին հուշեր:

Այս ուսումնական տարին արտասովոր էր: Հեշտ չէր հեռավար կրթության անցումը, սակայն ձեզանից յուրաքանչյուրի՝ գիտելիքը կարևորելու և կրթության արժեքը գիտակցելու շնորհիվ մենք կարողացանք հաղթահարել հեռավար կրթության դժվարությունները:
Սիրելի՛ դպրոցականներ, մենք կարողացանք հաջողությամբ ավարտել ուսումնական տարին շնորհիվ ձեր աշխատասիրության, մանկավարժների հետևողականության, բարձր պրոֆեսիոնալիզմի և, իհարկե, ձեր ծնողների ջանքերի:

Թանկագի՛ն շրջանավարտներ, ցանկանում եմ, որ ձեր կյանքում առաջնորդվեք վեհ արժեքներով, շարունակեք կրթվել, ընտրե՛ք ձեզ հոգեհարազատ մասնագիտություն:

Ես վստահ եմ, որ կյանքի աստիճաններով բարձրանալիս դուք երախտապարտ կլինեք ձեր ուսուցիչներին, սիրով ու ջերմությամբ կհիշեք տարիներ շարունակ նույն դասասենյակում ձեր կողքին նստած բոլոր ընկերներին:

Կրկին շնորհավորում եմ աշակերտներին, մանկավարժներին, ծնողներին խորհրդանշական օրվա առթիվ:

Բազմաթիվ հաջողություններ, նվաճումներ, երջանկություն և նպատակների իրականացում եմ մաղթում:

Բարի երթ:
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-12-03 14:49:13