Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարզպետ Դավիթ Գևորգյանն այցելել է գինեգործությամբ զբաղվող «Վան Արդի» ընկերություն
16.05.2020
Համայնքային այցելությունների շրջանակում Արագածոտնի մարզպետ Դավիթ Գևորգյանն այցելել է Սասունիկ համայնքում գտնվող գինեգործությամբ զբաղվող «Վան Արդի» ընկերություն:
Ընկերության սեփականատերը նշել է, որ իրենց գործունեությունը միտված է գինու տուրիզմի զարգացմանը: Այցելուներ ընդունում են ոչ միայն Հայաստանից, այլև արտերկրից: Զբոսաշրջիկներին գինեգործությանը ծանոթացնելուց բացի նաև անցկացվում են վարպետության դասեր՝ գինի-ուտեստ համադրությունը ներկայացնելու համար: Կազմակերպվում են ջազային համերգներ, բացօթյա կինոդիտում և այլ ժամանցային հետաքրքիր միջոցառումներ:
Գինիները թեև շատ մեծ ծավալներով չեն արտադրում, սակայն հասցրել են արտահանել Ռուսաստան, ԱՄՆ, Եվրոպական մի քանի երկրներ: Նպատակ ունեն արտահանում կազմակերպել նաև Կանադա: Մարզպետը շրջել է արտադրամասում, ծանոթացել արտադրողականությանը և ընթացող աշխատանքներին: Գործարանին կից առկա է 9հա խաղողի այգի, ևս 10հա նոր այգի կհիմնվի առաջիկայում: Այժմ շինարարական աշխատանքներ են ընթանում. կառուցվում է զանգակատուն և կոլորիտին համահունչ ռեստորան:
Քննարկվել են գործարանին հարակից տարածքում փոքրիկ լճակ հիմնելու, գինեգործության և գինու տուրիզմի զարգացմանն առնչվող մի շարք հարցեր:
