Նորություններ
Կայացել է հրշեջ–փրկարարական տեխնիկայի ցուցադրություն
06.12.2019
Մարզպետ Դավիթ Գևորգյանը ՀՀ ԱԻՆ ՓԾ Արագածոտնի մարզային փրկարարական վարչության ղեկավար կազմի ուղեկցությամբ ծանոթացել է «Երկրաշարժի զոհերի հիշատակի և աղետների դիմակայության օրվան» ընդառաջ Արագածոտնի մարզկենտրոն Աշտարակում կազմակերպված հրշեջ–փրկարարական տեխնիկայի ցուցադրությանը: Միջոցառման նպատակն էր հանրությանը ներկայացնել արտակարգ իրավիճակներում մարզային փրկարարական վարչության գործունեության ներուժն ու կարողությունները: Ցուցադրությունում տեղ են գտել ռուս-հայկական մարդասիրական արձագանքման կենտրոնից ստացված գույքը՝ հրշեջ ավտոմեքենա, շարժական հրշեջ մոտոպոմպ, էլեկտրակայան, վթարա-փրկարարական գործիքներ և ժամանակակից չափանիշերին համապատասխանող այլ սարքավորումներ: