Նորություններ
Մարզպետ Դավիթ Գևորգյանը և նահանգապետ Գերգանա Միկովան այցելեցին Արշակունիների թագավորական դամբարան
13.11.2019
Բուլղարիայի Հանրապետության Ստարա Զագորայի նահանգապետ Գերգանա Միկովայի և նահանգապետի տեղակալ Դիմիտր Դրաչեվի հետ Արագածոտնի մարզպետ Դավիթ Գևորգյանի՝ Արագածոտնի մարզում կատարած շրջայցի առաջին կանգառը Աղձք համայնքում գտնվող Արշակունիների թագավորական դամբարանն էր: Դամբարանը Հայաստանի Հանրապետությունում պահպանված միակ թագավորական գերեզմանոցն է, ուր ամփոփված են եղել հեթանոս և քրիստոնյա հայ Արշակունի թագավորների աճյունները։
Նահանգապետ Միկովան նշեց, որ մասամբ ծանոթ է հայոց պատմությանը և բացառիկ համարեց հայ ժողովրդի՝ իր մշակույթին ու արմատներին նվիրումը, ինչի վկայությունն է 4-րդ դարից պահպանված այս արքայական դամբարանը: