Նորություններ
Ստարա Զագորայի պատվիրակության անդամներն այցելեցին Ամբերդ
13.11.2019
Արագածոտնի մարզպետ Դավիթ Գևորգյանը Բուլղարիայի պատվիրակությանն ուղեկցել է Կամսարական իշխանների կողմից 7-րդ դարում կառուցված Ամբերդ միջնադարյան բերդաքաղաք-ամրոց:
Ստարա Զագորայի նահանգապետ Գերգանա Միկովան բազմիցս լսել էր Հայաստանի հոգևոր հարուստ ժառանգության մասին, սակայն առիթ չէր ունեցել այցելելու և տեղում ծանոթանալու մեր պատմամշակութային արժեքներին:
Հյուրերը շրջեցին Ամբերդի տարածքում, դիտեցին կիկլոպյան շինությունների մնացորդները, լսեցին դրանց մասին պատմական մանրամասներ:
Օրն ամփոփվեց Ամբերդի Սուրբ Աստվածածին եկեղեցի այցելությամբ: Այս եկեղեցին կրում է 11-րդ դարի հայ ճարտարապետության դրոշմը, որով էլ գրավեց պատվիրակության անդամներին: