Նորություններ
2019 թվականի մաքուր համայնք է ճանաչվել Թալին համայնքը
11.11.2019
Նոյեմբերի 10-ին՝ Տեղական ինքնակառավարման օրվան նվիրված միջոցառման ընթացքում տեղի ունեցած «Լավագույն համայնք 2019» մրցանակաբաշխության ժամանակ Արագածոտնի մարզի Թալին համայնքը հաղթող է ճանաչվել «Մաքուր համայնք 2019» անվանակարգում:
Մրցանակաբաշխությունն անցկացվում է 2006 թվականից՝ ՀՀ տարածքային կառավարման և ենթակառուցվածքների նախարարության և Հայաստանի համայնքների միության նախաձեռնությամբ:
Կոչ ենք անում մեր բոլոր հայրենակիցներին մաքուր պահել մեր երկիրը. աղբ չթափե՛լ հասարակական վայրերում, փողոցներում, բակերում: Աղբը նետելով բացառապես դրա համար նախատեսված վայրերում՝ մենք կարճ ժամանակահատվածում կունենանք մաքուր երկիր: Եկեք միասնաբար պայքարենք աղբի կուտակման դեմ: Օրինակ ծառայենք շրջապատին՝ ակտիվ մասնակցություն ունենալով Հայաստանում կազմակերպվող համապետական շաբաթօրյակներին: Հիշե՛ք՝ աղբի տեղը աղբամանն է: