Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ՀՀ Արագածոտնի մարզպետ Դավիթ Գևորգյանի ուղերձը Տեղական ինքնակառավարման մարմինների օրվա առթիվ

10.11.2019

Հարգելի՛ համայնքների ղեկավարներ, ավագանու անդամներ, տեղական ինքնակառավարման ոլորտի աշխատակիցներ,
Շնորհավորում եմ Տեղական ինքնակառավարման մարմինների օրվա առթիվ:
Հայաստանում տեղական ինքակառավարման համակարգը ձևավորվել է 1996 թվականին՝ գերնպատակ ունենալով Հայաստանի Հանրապետության յուրաքանչյուր քաղաքացու մասնակից դարձնել իր բնակավայրի կառավարմանը, լսելի դարձնել ժողովրդի ձայնն ու կամքը:
Արժևորելով ՏԻՄ-երի 23-ամյա գործունեության ընթացքում ունեցած ձեռքբերումները, միաժամանակ բախվելով նախկինում եղած բացթողումների առաջացրած խնդիրներին՝ մեր կառավարությունն իշխանության եկած առաջին իսկ օրվանից իր ռազմավարության հիմքում դրել է ազատ, արդար և թափանցիկ ընտրությունների անցկացումը, ժողովրդավարական սկզբունքներով տեղական ինքնակառավարման համակարգի ձևավորումը:
Կա մի անհերքելի ճշմարտություն. ուժեղ համայնքները հզոր պետություն ունենալու երաշխիքն են:
Հայաստանի Հանրապետության ողջ պատմության մեջ, այժմ առավել քան երբևէ, համայնքներին տրված է ինքնակառավարման, սեփական որոշումների կայացման իրավունքը ամենալայն իմաստով իրացնելու հնարավորությունը, իսկ խնդիրների բացահայտմանը և լուծմանը ժողովուրդն այսօր կարող է մասնակցել անարգել:
Կրկին շնորհավորում եմ տեղական ինքնակառավարման համակարգի բոլոր աշխատակիցներին: Վստահ եմ, որ համայնք-պետություն համագործակցությամբ՝ քայլ առ քայլ, ըստ առաջնահերթության, լուծելու ենք համայնքներում առկա բոլոր խնդիրները և տեսանելի ապագայում ունենալու ենք բարեկեցիկ համայնքներ, դրանով իսկ պայմանավորված՝ հզոր և հուսալի պետություն:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-11-12 11:38:06