Արագածոտնի մարզպետի աշխատակազմ

Արագածոտնի մարզի «Ամբերդ ամրոց» պատմամշակութային արգելոցում այսօր տեղի ունեցավ «Եվրոպական ժառանգության օրեր» ծրագրի բացման հանդիսավոր արարողությունը:
Միջոցառմանը ներկա էին Հայաստանում ԵՄ պատվիրակության ղեկավար, Եվրոպական միության արտակարգ և լիազոր դեսպան Անդրեա Վիկտորինը, ՀՀ Արագածոտնի մարզպետ Դավիթ Գևորգյանը, ՀՀ կրթության, գիտության, մշակույթի և սպորտի նախարար Արայիկ Հարությունյանը, Հայաստանից ու արտերկրից ժամանած հյուրեր:
Մշակութասեր հանրությունը սեպտեմբերի 28-29-ին հնարավորություն կունենա այցելել Հայաստանի և Արցախի ավելի քան 100 պատմամշակութային վայրեր ու հուշարձաններ: Այս երկու օրերի ընթացքում նշած վայրերում օրակարգը հագեցած է օրվա խորհրդին բնորոշ մշակութային միջոցառումներով, ցուցադրություններով, գրական ցերեկույթներով:
Միջոցառման նպատակն է ընդգծել Եվրոպական ժառանգության բացառիկությունը, բարձրացնել հասարակության իրազեկվածությունն ու հետաքրքրությունը արվեստի, դարեդար փոխանցված մշակութային արժեք ներկայացնող կոթողների նկատմամբ, ինչպես նաև ընդգծել դրանց պահպանման կարևորությունը:
Եվրոպական ժառանգության օրերն անցկացվում են ամեն տարի՝ Եվրոպական մշակութային կոնվենցիային միացած 50 երկրներում: Այս նախաձեռնությանը Հայաստանը մասնակցում է շուրջ երկու տասնամյակ:
Այս տարի Եվրոպական ժառանգության օրերն անցկացվում են «Արվեստ և ժամանց» խորագրի ներքո:
Արագածոտնի մարզի «Ամբերդ ամրոց» պատմամշակութային արգելոցում այսօր տեղի ունեցավ «Եվրոպական ժառանգության օրեր» ծրագրի բացման հանդիսավոր արարողությունը:
Միջոցառմանը ներկա էին Հայաստանում ԵՄ պատվիրակության ղեկավար, Եվրոպական միության արտակարգ և լիազոր դեսպան Անդրեա Վիկտորինը, ՀՀ Արագածոտնի մարզպետ Դավիթ Գևորգյանը, ՀՀ կրթության, գիտության, մշակույթի և սպորտի նախարար Արայիկ Հարությունյանը, Հայաստանից ու արտերկրից ժամանած հյուրեր:
Մշակութասեր հանրությունը սեպտեմբերի 28-29-ին հնարավորություն կունենա այցելել Հայաստանի և Արցախի ավելի քան 100 պատմամշակութային վայրեր ու հուշարձաններ: Այս երկու օրերի ընթացքում նշած վայրերում օրակարգը հագեցած է օրվա խորհրդին բնորոշ մշակութային միջոցառումներով, ցուցադրություններով, գրական ցերեկույթներով:
Միջոցառման նպատակն է ընդգծել Եվրոպական ժառանգության բացառիկությունը, բարձրացնել հասարակության իրազեկվածությունն ու հետաքրքրությունը արվեստի, դարեդար փոխանցված մշակութային արժեք ներկայացնող կոթողների նկատմամբ, ինչպես նաև ընդգծել դրանց պահպանման կարևորությունը:
Եվրոպական ժառանգության օրերն անցկացվում են ամեն տարի՝ Եվրոպական մշակութային կոնվենցիային միացած 50 երկրներում: Այս նախաձեռնությանը Հայաստանը մասնակցում է շուրջ երկու տասնամյակ:
Այս տարի Եվրոպական ժառանգության օրերն անցկացվում են «Արվեստ և ժամանց» խորագրի ներքո: