Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Օհանավան համայնքը նշում է 191 ամյակը
10.09.2019
ՀՀ Արագածոտնի մարզպետ Դավիթ Գևորգյանը մասնակցեց Օհանավան համայնքի 191 ամյակի առթիվ կազմակերպված միջոցառմանը:
Տոնական օրը մեկնարկեց «Մակու» մանկապարտեզի բացման արարողությամբ:
Ժապավենը կտրելուց հետո մարզպետը Օհանավան համայնքի ղեկավար Էդգար Հայրապետյանի հետ շրջայց է կատարել մանկապարտեզում, ծանոթացել նորաբաց կառույցի շենքային և գույքային պայմաններին:
Մինչ այժմ օհանավանցիներն իրենց երեխաներին ստիպված էին հարևան համայնքների մանկապարտեզներ տանել: Վերանորոգված և բարեկարգ մանկապարտեզ հաճախելու հնարավորություն կունենա 120 երեխա, որոնցից 93-ն արդեն հայտագրվել է և վաղվանից կհաճախի հարազատ գյուղի մանկապարտեզ:
Համայնքի օրվան նվիրված մշակութային միջոցառումը շարունակվել է գյուղի կենտրոնում, որտեղ օհանավանցիներն ասմունքել են իրենց համայնքին նվիրված բանաստեղծություններ, հնչել են երաժշտական և պարային կատարումներ:
Տոնական միջոցառումն ավարտվել է համայնքի բնակիչների և հյուրերի համար կազմակերպված հյուրասիրությամբ:
