Նորություններ
Մարզպետ Դավիթ Գևորգյանի մոտ կայացել է քաղաքացիների ընդունելություն
06.09.2019
ՀՀ Արագածոտնի մարզպետ Դավիթ Գևորգյանի մոտ այսօր տեղի է ունեցել քաղաքացիների հերթական ընդունելությունը, որին մասնակցել է նախապես գրանցված 33 քաղաքացի:
Բնակիչների կողմից ներկայացվել են սեփականության իրավունքին, աշխատանքային, առողջապահության, սոցիալական և անձնական բնույթի այլ հարցեր:
Հողային հարաբերությունների կարգավորմանն առնչվող հարցերը մարզպետը քննարկել է ոլորտային պատասխանատու ստորաբաժանման ղեկավարի հետ՝ վերջինիս հանձնարարելով օրենսդրության շրջանակներում աջակցել դրանց լուծմանը:
Բարձրացված մյուս խնդիրների մի մասը լուծվել է անմիջապես ընդունելության ժամանակ, դրամական օգնության դիմում ներկայացրած քաղաքացիներին էլ տրամադրվել է ֆինանսական աջակցություն:
Մարզպետի մոտ քաղաքացիների ընդունելությունը կազմակերպվում է ուրբաթ օրերին՝ ժամը 10:00-ից, որին մասնակցելու համար անհրաժեշտ է հերթագրվել Արագածոտնի մարզպետարանի աշխատակազմի քարտուղարության ընդհանուր բաժնում: