Նորություններ
Ներքին Բազմաբերդ համայնքում փողոցների արտաքին լուսավորության ցանց է կառուցվում
22.08.2019
Սուբվենցիոն ծրագրով Ներքին Բազմաբերդ համայնքում կառուցվում է 6կմ երկարությամբ գիշերային լուսավորության ցանց:
Այժմ տեխնիկայի միջոցով փորվում են հենասյուների համար նախատեսված փոսերը: Սյուները ամրացնելուց հետո կիրականացվեն էլեկտրալարերի միացման, լուսացույցերի տեղադրման և բարեկարգման մյուս աշխատանքները:
Ծրագրի իրագործման համար անհրաժեշտ 14մլն դրամից 7միլիոնը հատկացնում է համայնքը, նույնքան էլ համաֆինանսավորվելու է պետական բյուջեից:
Օրեր անց կմեկնարկի Ներքին Բազմաբերդի ոռոգման համակարգի կառուցման ծրագիրը, որը նույնպես իրականացվում է համայնք-կառավարություն համագործակցությամբ:
2019 թվականի սուբվենցիոն ծրագրով այս պահին Արագածոտնի մարզի 32 համայնքում իրականացվում է 57 ծրագիր: