Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Սուբվենցիոն ծրագով Կարբիում վերանորոգվում է ներհամայնքային 7 ճանապարհ
16.08.2019
2019 թվականի սուբվենցիոն ծրագրի շրջանակներում հիմնանորոգվում և ասֆալտապատվում են Արագածոտնի մարզի Կարբի համայնքի ճանապարհները:
Ծրագրով նախատեսվում է ասֆալտապատման և կապիտալ նորոգման աշխատանքներ իրականացնել ներհամայնքային 7 փողոցներում: Դրանք ներառում են Մ3 միջպետական մայրուղին համայնքին կապող բոլոր նրբանցքները: Հիմքից կառուցվում է մայրուղուց դեպի գյուղ տանող 1 նոր ճանապարհ:
Փողոցի բարեկարգման ծրագրի արժեքը 29 մլն 158 հազար դրամ է, որից համայնքի մասնակցությունը 14 մլն 579 հազար դրամ է, նույնքան էլ համաֆինանսավորվելու է պետական բյուջեից:
Սուբվենցիոն ծրագրով այս տարի Կարբի համայնքում իրականացվելու են նաև գիշերային լուսավորության համակարգի ընդլայնման և խմելու ջրի պոմպակայանի կապիտալ նորոգման աշխատանքներ:
