Արագածոտնի մարզպետի աշխատակազմ

ՀՀ տարածքային կառավարման և ենթակառուցվածքների նախարարության օժանդակությամբ և շրջակա միջավայրի նախարարության կողմից իրականացվող Օզոնի ծրագրի շրջանակում այսօր Արագածոտնի մարզպետարանի դահլիճում տեղի է ունեցել աշխատաժողով՝ նվիրված սառնամատակարարման և օդորակման սարքավորումների էներգաարդյունավետությանը:
Աշխատաժողովին մասնակցել են համայնքների ղեկավարներ և աշխատակիցներ, մարզային կառույցների ոլորտի պատասխանատուներ:
Քննարկվել են Կիգալիի փոփոխության հայաստանյան վավերացման գործընթացի և դրանից բխող պարտավորությունների, էներգաարդյունավետության ոլորտում Հայաստանի պետական քաղաքականության, սառնագենտային և օդակարգավորման միավորների, ջերմային պոմպերի ընտրության ժամանակ էներգախնայողության կարևորության մասին և ոլորտին առնչվող այլ հարցեր:
Աշխատաժողովն ավարտվել է հարցուպատասխանով: