Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ապարան համայնքում բացվել է ստարտափ ակումբ
25.07.2019
Ֆրեզնոյի Սբ. Երրորդություն Հայ Առաքելական Մայր Եկեղեցու երիտասարդական կազմի, Փապուճյան ընտանիքի հովանավորությամբ և «Ստարտափ Արմենիա» գիտակրթական հիմնադրամի կողմից Արագածոտնի մարզի Ապարան համայնքում այսօր բացվել է ստարտափ ակումբ:
«Ապարանի ստարտափ ակումբ» այլընտրանքային կրթական հաստատությունում դպրոցականները հնարավորություն կունենան ծանոթանալու ժամանակակից ձեռներեցության հիմունքներին, առաջադրելու և կյանքի կոչելու նորարարական գաղափարներ:
Ակումբի բացման արարողությանը մասնակցել են ՀՀ Արագածոտնի մարզպետարանի գլխավոր քարտուղար Հրաչյա Գևորգյանը, Ֆրեզնոյի Սբ. Երրորդություն Հայ Առաքելական Մայր Եկեղեցու երիտասարդական կազմի և Փապուճյան ընտանիքի ներկայացուցիչները, «Ստարտափ Արմենիա» գիտակրթական հիմնադրամի ղեկավարները և այլ հյուրեր:
Արագածոտնի մարզպետարանի գլխավոր քարտուղար Հրաչյա գևորգյանը ՀՀ Արագածոտնի մարզպետ Դավիթ Գևորգյանի անունից շնորհակալություն է հայտնել նախաձեռնության հեղինակներին, կարևորել է նման ծրագրերի իրականացումը և համագործակցության առաջարկ է արել մարզի մյուս համայնքներում ևս ստարտափ ակումբներ հիմնելու վերաբերյալ:
