Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Նոր Ամանոս համայնքում հիմնվում է մանկապարտեզ
15.07.2019
Սուբվենցիոն ծրագրի շրջանակներում Արագածոտնի մարզի Նոր Ամանոս համայնքում հիմնվել է մանկապարտեզ: Համայնքապետարանի վարչական շենքից մի հատված վերանորոգվել է, նոր մուտք է առանձնացվել:
Ծրագրի իրականացման համար հատկացվել է 8 մլն 690 հազար դրամ, որից համայնքի մասնակցությունը կազմել է 5 մլն 530 հազար դրամ, իսկ ՀՀ պետական բյուջեից տրամադրվող սուբվենցիայի չափաբաժինը կազմել է 3 մլն 160 հազար դրամ:
2019 թվականի սուբվենցիոն ծրագրի շրջանակներում նախատեսվում է ավարտին հասցնել մանկապարտեզի ամբողջական կառուցման աշխատանքները:
Շինարարական աշխատանքների երկրորդ փուլի համար հատկացվել է ևս 12 մլն դրամ, որից 6 մլն կազմել է համայնքի ներդրումը, իսկ 6 մլն դրամ տրամադրվելու է պետական բյուջեից սուբվենցիոն ծրագրի շրջանակներում կատարվող համաֆինանսավորման միջոցով:
Մանկապարտեզի կառուցումից հետո 45 երեխաներ հնարավորություն կունենան հաճախել վերանորոգված ու հարմարավետ նախադպրոցական հաստատություն:
