Արագածոտնի մարզպետի աշխատակազմ

Արագածոտնի մարզի 7-13 տարեկան ևս 130 երեխա այսօր մեկնեց Ծաղկաձորի «ԼԱՎԱ Աղբյուր» մանկական ճամբար:
Մինչ Ծաղկաձոր ուղևորվելը ՀՀ Արագածոտնի մարզպետ Դավիթ Գևորգյանը հանդիպեց երեխաներին և նրանց մաղթեց բարձր տրամադրություն, հետաքրքիր ու անմոռանալի հանգիստ:
Երեխաների անվտանգ ուղևորությունն ապահովելու համար նրանց ուղեկցում էին բուժաշխատողներ, ոստիկանության ծառայողներ և մարզպետարանի՝ ոլորտի պատասխանատու աշխատակիցները:
Երեխաները Ծաղկաձորում կլինեն մինչև հուլիսի 27-ը, իսկ երրորդ խմբի համար հայտագրված ևս 130 երեխաներ ամառային հանգիստը կվայելեն հուլիսի 27-ից օգոստոսի 15-ը:
Հանգիստը կազմակերպվում է զոհված, հաշմանդամ դարձած զինծառայողների, ծնողազուրկ ու սոցիալապես անապահով ընտանիքների երեխաների համար: