Նորություններ
Նշվում է հայ մեծանուն երգահան Կոմիտասի ծննդյան 150 ամյակը
30.04.2019
Այս տարի նշվում է հայ մեծանուն երգահան Կոմիտասի ծննդյան 150 ամյակը։
Այսօր Աշտարակի Արտեմի Այվազյանի անվան երաժշտական դպրոցում կայացավ միջոցառում, որի ընթացքում երաժշտական դպրոցի սաները հանդես եկան Կոմիտասի ստեղծագործություններով, ներկայացվեց երգահանի կյանքը և ստեղծագործական ուղին։
Միջոցառմանը ներկա էին ՀՀ Արագածոտնի մարզպետ Դավիթ Գևորգյանը, Աշտարակի քաղաքապետ Թովմաս Շահվերդյանը, երաժշտարվեստի սիրահարներ։
Կայացած համերգն ապացույցն էր այն բանի, որ Կոմիտասի թողած մշակութային ժառանգությունը պահպանվել է անաղարտ, և նրա տաղերը շարունակում են մնալ հայկական ազգային երգարվեստի անգերազանցելի գոհարներ։