Նորություններ
Դաշտադեմ համայնքում այսօր տեղի է ունեցել Դաշտադեմի ամրոցի պահպանության ծրագրի առաջին փուլի ավարտը նշանավորող միջոցառում
30.04.2019
Դաշտադեմ համայնքում այսօր տեղի է ունեցել Դաշտադեմի ամրոցի պահպանության ծրագրի առաջին փուլի ավարտը նշանավորող միջոցառում: Ծրագիրը ֆինանսավորվել է ԱՄՆ դեսպանների մշակութային արժեքների պահպանության հիմնադրամի կողմից, որի շրջանակում իրականացվել են պեղումներ և ամրոցի համալիրի մասնակի վերականգնման աշխատանքներ:
Միջոցառմանը ներկա են գտնվել ՀՀ Արագածոտնի մարզպետ Դավիթ Գևորգյանը, Հայաստանում ԱՄՆ դեսպան Լին Թրեյսին, ՀՀ մշակույթի փոխնախարար Տիգրան Գալստյանը, ԱՄՆ դեսպանատան, ՀՀԳԱԱ Հնագիտության և ազգագրության ինստիտուտի, հասարակական կազմակերպությունների ներկայացուցիչներ և այլ հյուրեր:
Մասնակիցները շրջել են ամրոցի տարածքում, ծանոթացել կատարված վերանորոգման աշխատանքներին:
Ծրագրի հաջորդ փուլերում նախատեսվում է շարունակել պեղումները, կատարել վերականգնման աշխատանքներ և ամրոցի տարածքում ստեղծել արգելոց:
Շրջայցից հետո ՀՀ Արագածոտնի մարզպետ Դավիթ Գևորգյանը ողջունել է ներկաներին՝ ընդգծելով Դաշտադեմի ամրոցի վերականգնման ծրագրի կարևորությունը մարզի զբոսաշրջության զարգացման գործում:
Միջոցառման ավարտին «Կարին» ավանդական երգի ու պարի համույթը ներկայացրել է ազգային պարերի շարք: