Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Քաղաքացու օրվա տոնակատարության շրջանակում Աշտարակի Պերճ Պռոշյանի տուն-թանգարանում տեղի ունեցավ երիտասարդական քննարկում՝ Իրազեկ ուսանող
27.04.2019
Աշտարակի Պերճ Պռոշյանի տուն-թանգարանի բակում պետական պաշտոնյաներն ու ուսանողները, համախմբվելով թեյի սեղանի շուրջ, քննարկեցին ուսանողների դերը քաղաքացիական հասարակության ձևավորման գործում:
Քննարկման ընթացքում կարևորվեց երիտասարդների դերը մարզի զարգացման տեսլականում, անդրադարձ կատարվեց 2018 թվականի գարնանը Հայաստանում իրականացված թավշյա, ոչ բռնի, ժողովրդական հեղափոխության կայացման գործում ուսանողական-երիտասարդական շարժումների դերակատարմանը:
Քննարկման մասնակիցները միաձայն եկան այն եզրահանգման, որ իրազեկ և գիտակից քաղաքացիական հասարակություն ձևավորելու համար առանցքային դեր է խաղում կրթությունը, իսկ որակյալ կրթական համակարգի համար նախևառաջ անհրաժեշտ է ունենալ ուսման նկատմամբ պահանջատեր ուսանող:
Մարզպետ Դավիթ Գևորգյանը նշեց, որ Հայաստանում այսուհետ գնահատվելու է գիտելիքը: Իրենց մասնագիտությանը տիրապետող որակյալ կադրերի համար են բաց լինելու կազմակերպությունների դռները, ուստի վաղվա լավ աշխատանքի համար անհրաժեշտ է հետևողական լինել ուսման նկատմամբ:
