Արագածոտնի մարզպետի աշխատակազմ

ՀՀ Արագածոտնի մարզպետարանում այսօր տեղի ունեցավ շտաբային ուսումնավարժություն «Բնակչության պաշտպանության միջոցառումների կազմակերպումը ուժեղ երկրաշարժի դեպքում» թեմայով:
Միջոցառման նպատակն էր ստուգել «Արագածոտնի մարզում ուժեղ երկրաշարժի դեպքում բնակչության պաշտպանության կազմակերպման» և «ՀՀ Արագածոտնի մարզի բնակչության տարհանման» պլանների իրատեսությունը, բացահայտել և վերլուծել կոնկրետ իրավիճակում դրանց իրականացման հետ կապված խնդիրները:
Ուսումնավարժության ընթացքում կազմվել և հաստատվել են անհրաժեշտ բոլոր իրավական ակտերը, գործողություներն ընթացել են շտաբային ուսումնավարժության իրավիճակի զարգացման պլանին համապատասխան:
Լսելով մասնակիցների ոլորտային զեկույցները՝ Արագածոտնի մարզի արտակարգ իրավիճակներում գործող մշտական հանձնաժողովի նախագահ, մարզպետ Դավիթ Գևորգյանը մատնանշել է խնդիրները և դրանց լուծման վերաբերյալ տվել է հանձնարարականներ:
Կարևորելով քաղաքացիական պաշտպանության ոլորտը՝ մարզպետը դրական է գնահատել իրականացված աշխատանքները և նշել է, որ աղետի դեպքում խուճապային դրության մեջ չհայտնվելու, ցանկացած իրավիճակում արագ արձագանքելու համար անհրաժեշտ է կազմել իրատեսական պլաններ՝ պահպանելով դրանց բովանդակային իմաստը: