Արագածոտնի մարզպետի աշխատակազմ

  ՀՀ Արագածոտնի մարզպետ Դավիթ Գևորգյանն այսօր ընդունել է անցնող շաբաթվա ընթացքում ընդունելության գրանցված 14 քաղաքացիների:
   Բնակիչները մարզպետին են ներկայացրել իրենց հուզող հարցերը, որոնք վերաբերել են սոցիալական ապահովության, ռազմական պատրաստության դասընթացների կազմակերպման, առողջապահության, աշխատանքային և այլ ոլորտների:
  Մարզպետ Դավիթ Գևորգյանը ոլորտային պատասխանատուներին հանձնարարել է քննարկել և օրենսդրության սահմաններում լուծում տալ քաղաքացիների կողմից բարձրացված հարցերին: Մի շարք խնդիրներ էլ լուծվել են հենց հանդիպման ընթացքում:
  Դրամական օգնության դիմում ներկայացրած 10 քաղաքացու տրամադրվել է ընդհանուր 290.000 ՀՀ դրամ ֆինանսական աջակցություն: