Նորություններ
ՀՀ Արագածոտնի մարզպետ Դավիթ Գևորգյանը հանդիպեց մարզի առողջապահության համակարգի պատասխանատուների հետ
06.11.2018
Այսօր ՀՀ Արագածոտնի մարզպետ Դավիթ Գևորգյանը հանդիպում է ունեցել մարզպետարանի և համայնքային ենթակայությամբ գործող, պետպատվեր իրականացնող մասնավոր բժշկական կազմակերպությունների տնօրենների և բժշկական կենտրոնների պոլիկլինիկական ծառայություններ իրականացնող պատասխանատուների հետ:
Խորհրդակցության ընթացքում ներկայացվել են առողջապահության ոլորտի զարգացմանն առնչվող հարցեր,առկա հիմնախնդիրները և դրանց լուծման հեռանկարները: Քննարկվել են նաև բուժհիմնարկներում ոչ արդյունավետ կառավարման հետևանքների, մատուցվող ծառայությունների որակի, մասնագետների որակավորման, շտապօգնության մեքենաների տեխնիկական վիճակի և հիվանդանոցին հատկացված գույքը նպատակային նշանակության համապատասխան օգտագործման հետ կապված հարցեր: